死魚與淫西，炮房內的攻防戰（轉貼）12

admin

第十一集

第十一集(上)

　　佢真係死魚欣？但係佢喺我面前從未打扮到咁靚，亦唔似可以同啲客咁客氣咁傾到計，唔通係佢個孖生姊妹？

　　就在我迷惘之際，歡挺輕推了我一下，道：「快啲揀女啦！仲發夢！」

　　我看看歡挺的伴侶，高挑美乳，尚算是一件好貨色！我再望望剩下的小姐，全都是不堪入目的劣貨。

　　仆街！佢兩條友揀晒啲好嘢，留番啲豬西俾我！

　　「就依個啦！」我故意挑了個最「豬」的濃妝小姐，原因不是我重口味，而是我料她平時沒什麼人選中，定然入不敷支，反正我沒打算佔便宜，索性關照下這些可憐的女人。

　　「靚仔！我叫小霞呀！」豬西甫一坐下，便肆無忌憚摸我的大腿，似乎她感激我寵幸她，打算以身相許，今次真係捉撚晒蟲！其實我想說，妳的體型一點也不小，而且沒引起我任何遐想，拜託妳不要再用這個名字。

　　「三位老闆，玩得開心啲啦！」媽媽桑向我們每人塞了張卡片，徑自離開。

　　我望向懷疑是欣欣的物體，發現她立即迴避我的視線，她剛才一定是偷望我、一定是！

　　「係呢！我叫班森，妳叫乜名呀？」

　　「我叫……」她猶豫了一會，道：「我叫可可呀！」

　　講大話，她的眼神閃縮了一下，是典型的條件反射！

　　「依？邊個『可』呀？Sorry呀！我啱啱喺外國番嚟，中文唔係太好。」班森散發出半鬼仔的魅仔。

　　「可以一戰嘅『可』。」

　　可以一戰都講得出，仲唔撚係佢？

　　「先生，你叫乜名呀？」豬西問我。

　　「我叫『阿溢』呀！豬小姐。」我沒有回望她，卻故意拉大嗓子說自己的名字，企圖催迫欣欣跟我相認。

　　「嗄……我叫小霞呀！」

　　「得啦！豬小霞小姐。」我冷淡回應。

　　「人哋都唔係姓朱……」她自討沒趣。

　　我無法忍受把小霞這可愛的名字用在她身上，所以接下來我只會用豬小姐來稱呼她。

　　我十分詫異連這種不自量力的豬西也投身於色情行業，莫非真的如九把刀所說，每個青春故事必備一個肥仔，同然每個叫雞故都必備一件極品豬西？

　　「喂！阿溢，點歌啦！」歡挺把麥克風塞給我。

　　「點解要我揀呀？」

　　他跟我耳語：「依個場合梗係要有啲小丑俾人笑下先開心嘛！你把老牛聲終於派得上用場。」

　　屌！咁出賣兄弟都有架！咪住！依個係個好機會！

　　我站在房間中央，向大家宣佈：「各位，小弟先獻個醜，唱我嘅首本名曲。」

　　「好！」歡挺搶先拍掌。

　　MTV開始播放，我身子配合節奏輕輕擺動，鼻子哼著曲調，待歌手說完開場白，我便扯大嗓子唱出來。

　　陷家High High High　無銀用又要欄街
　　爸爸YO YO YO　做你老豆無陰功呀
　　陷家High High High　同你講野氣都晒
　　爸爸YO YO YO 呀少理阿爸正仆街
　　你老豆我十零歲就喺Disco 做DJ
　　個介紹人係我中學時期嘅一條茂利
　　佢老豆原來放貴利　佢阿媽幫手做登記
　　咁個仔就自然識埋啲人唔三唔四
尹光的《少理阿爸》令我的情緒高漲起來，一眾小姐也愣住了，唯獨欣欣在磨拳擦掌，目光不時瞧著桌上的麥克風。

　　哈哈！一切都在我計算之內，只要用粗口歌挑起她的本性，便能迫她露出真面目。出手呀！快點出來跟我一邊唱，一邊跳吧！

　　「依？妳唱唔唱呀？」班森把麥克風遞給欣欣。

　　「好衰架你！」欣欣掩著嘴巴，靦腆地說：「人哋一講粗口就會打冷震架啦！仲要人唱。」

　　屌！啲演技假得妳吖！

　　我看著班森跟欣欣那麼親密，越唱越洩氣，待MTV播完後，我便了無生氣坐回原位。

　　呀！條死魚欣又會咁忍得嘅！

　　「溢哥呀！其實我都識唱你啲歌架！」豬小姐突然跟我說。

　　「嗄？」我戚起了眉頭，但見豬小姐已拿起麥克風表演。

　　喂喂荷里活有間大酒店
　　有三個肥婆呀學踢波　學踢波
　　你又踢　佢又踢　卒之就踢左落河


　　啊　你想執番個波　我幫你執個波丫
　　我標落去水雙手攬住個波
　　fing上去水面等佢捉住個波
　　佢個心想話接住點知佢差錯腳落河

豬小姐唱著尹光的《荷里活大酒店》，她一邊跳舞，一邊搖晃那對崎形且毫無美感的暴乳。仆街！今次真係換眼球都唔掂！喂！肥婆霞妳無嘢吖嘛？
Plan A失敗，唯有使用PlanB。

　　「DJ妹妹，依度有冇芥末味薯片叫？」我問。

　　「嗄……無喎！薯條依啲小食啱唔啱呀？」

　　「我俾一百蚊妳，你同我即刻去買一打芥末味薯片番嚟！剩低嘅俾妳做貼士。」

　　今次仲唔引到妳？我要妳當眾放屁，出盡洋相！

　　十分鐘後，我滋味地吃著芥末味薯片，還故意吃得十分大聲。

　　欣欣吞了一口唾液，卻不敢輕舉妄動。

　　「妳都食啲啦！」班森親自餵欣欣食。

　　「唔啦！我對芥末敏感。」欣欣回以一笑。

　　講大話！

　　「溢哥！我都好鍾意食芥末味薯片架！」豬小姐不顧儀態地狼吞虎嚥，滿是薯片碎的嘴巴說：「我哋係咪好夾呢？」

　　喂！肥婆霞妳又搞乜撚嘢呀？就算妳話鍾意打高達，我都唔會帶妳番屋企架！

　　仆街，個死女包咁忍得，唔緊要，我仲有Plan C。

　　「喂！不如我哋分Team猜枚囉！」我提議。

　　「好！輸咗罰飲酒！」歡挺和應。

　　「罰就係罰，不過要身邊條女飲。」我奸笑。

　　「喂！阿溢，你幾時變到咁無品架？」歡挺揶揄我。

　　「唔緊要啦！依個規則都幾得意。」班森溫柔地向欣欣說：「放心！我唔會令妳俾人灌醉。」

　　「班森哥，做妳女人真係好。」欣欣摟得更緊。

　　見到佢哋依對狗男女就眼火爆！好！等我灌到妳去廁所，到時就有機會伏擊妳問話。

　　可是，我高估了自己的枚技，班森雖然中文差，但在外國經常夜蒲的他竟是長勝將軍，畢竟聰明人反應和轉數也特別快。

　　完敗……媽！為何結果不是我想的這樣？

　　「溢哥……其實我真係好飲得架……不過你要送我番房喎！嘻嘻！」豬小姐擅自伏在我肩上，揉搓我的胸膛。

　　喂！肥婆霞妳好囉喎！我忍夠妳啦！

　　「嗚……嗚……」豬小姐突然嘔吐大作，我猝不及防，被吐得滿褲子是嘔吐物。
Shit！
我立即去廁所整理，要清除這些芥末味嘔吐物可不容易，我足足花了三十分鐘。

　　好！回去再戰！不查出真相誓不罷休！

　　當我回到房間後，卻發現只剩下歡挺和他的女伴以及執房DJ，欣欣呢？

　　「你條死仔搞咁耐架！班森哥話玩夠，帶咗條女去過夜啦！」

　　唔撚係呱！斯斯文文咁猴擒？我嘅欣欣呀！今次實俾佢屌到唔洗瞓。

　　問題來了，即使我知道他們在什麼酒店爆房，他們可是明買明賣，我憑什麼干涉他們？

　　欣欣，雖然我知道我沒資格埋怨，但為何妳連跟我相認也不願意？難道我真的傷害了妳？

　　「你點呀？我同條女去過夜啦！」歡挺問。

　　「算啦……你唔洗理我，我自己租間房打飛機算啦……」我垂下頭來。

　　「洗唔洗我幫下你呀？」

　　「唔洗啦……豬小姐，妳收埋我啲坐枱費，摺埋一面啦……依？」我循聲回望，只見一道嬌小的身影站在我面前。

　　「欣欣……妳唔係跟咗班森哥去開房咩？」我難以置信。

　　「我剩係負責陪坐，唔做愛、唔過夜架！」她解釋。

　　這答案教我喜出望外。

「咁……我哋去食宵夜囉！」我恢復生氣。